[X]إغلاق

ماالأسباب التي دعت لجنة التحكيم لاختيار رواية الأسواني كأفضل رواية عربية؟!

شارك الخبر معانا

متابعة/ مها أبو ندا

النعاس وإبراهيم عيسى جديد في ليبيا!!
خبز على طاولة الخال ميلاد
يقول محمود زيدان ” أول ما أعلنوا عن فوز الرواية قلت أكيد رواية متكاملة العناصر من ناحية المضمون والحبكة والسرد واللغة القوية الخ…
ويعلم الله إني بحثت عن الرواية مش بهدف الحقد أو إني أنتقد أو أعيب فيها ﻷنها أصلاَ بقت رواية جماهيرية ورأيي مش هيقدم ولا يأخر.. ولكن حبيت أقرأها بنية إني أستفيد منها وأتعلم الكتابة بشكل أفضل ﻷني بعتبر نفسي حتى الآن لسه بتعلم أصول الكتابة.

وللأسف قريت الرواية كاملة وده تقييمي ليها:

اللغة: ركيكة جدَا وضعيفة لا ترقى للفصحى ولا حتى العامية المهذبة… ولكن قولت عادي يمكن الرواية فازت بسبب قوة الفكرة والموضوع اللي تناوله الكاتب.

*المقدمة:
كانت البداية سوء أدب مع الذات الإلهية في عبارة “تزحلقتْ يدي وهي تضغط على ضلوعي، لأطمئن على وجودها جميعًا في مكانها الصحيح. شعرتُ لوهلةٍ بأنّني أخطأت العدّ، ربّما يكون هناك ضلعٌ ناقصٌ، ربّما هو ذاك الضلع الذي اختلسه الله من آدم وهو نائم”!!

••معاذ الله.. مش المفروض إن الضلوع اللي أنت عديتها دي ربنا سبحانه وتعالى هو اللي وهبها لآدم وحتى لو استردها كاملة ما يتقالش سرقة استغفر الله.

بالإضافة إن سياق النص لا يستدعي اللجوء للمنحى ده أصلاً.

تجاوزت المقدمة على مضض باعتبار إني لازم أعرف إيه مميزات الرواية عشان أتعلم منها.

*السرد:
ممل جدًا بل هو تافه أصلاً.. أنا كقارئ من عشاق التفاصيل المملة، على سبيل المثال حبيت رواية العمى ل جوزيه ساراماغو رغم إن فيها رغي كتير، أعجبت برواية اﻷنفس الميتة ل نيكولاي جوجول رغم إن الحوار فيها يكاد يكون معدوم.. ولكن الموضوع هنا مختلف التفاصيل عبارة عن حشو غير مفيد لدرجة إنك لو قلبت الصفحة مش هيغير في المضمون شيء.

ولكن أصريت إني أكمل قراءة عشان ما أظلمش الكاتب!

صدمتني الفكرة: ما اقصدش الصدمة اللي احنا عارفينها في الكتابة لكن الفكرة نفسها ساذجة وتناولها الكاتب بأسلوب وقح وإباحية علنية بدون أي خطوط حمراء.

بتتكلم عن شخصية “ميلاد” الزوج اللي قرر يتبادل مع زوجته اﻷدوار هي تشتغل وهو يطبخ وينضف البيت ويغسل اﻷطباق والهدوم وحريص على إنه ينشر الملابس الداخلية للمرأة في الصف اﻷول وملابسه هو في الصف التاني!

قولت عادي برضه ممكن نتناول فكرة بالشكل ده عشان نقدم رسالة هادفة ونحاول نوضح قد إيه دور المرأة مهم جدًا في خدمة الزوج والمجتمع ككل.

لكن اللي مش عادي هو مجموعة المشاهد والكلمات اللي تجرأ الكاتب على تضمينها في الرواية.. ألفاظ وعبارات ما تقولهاش غير وحده عا.رة لراجلها على السرير- آسف في اللفظ- مع تصوير المشاهد الجن*سية بدون حياء ولا أى اعتبار للذوق العام.. مش مشهد واحد ولا فقرة واحدة تقريبَا تلت الرواية كاملة بالشكل ده.

••فكرت مرة أقرأ عمارة يعقوبيان لكن صدمتني جرأة الكاتب فتوقفت عن قراءتها لكن بدون مبالغة اﻷسواني يعتبر تلميذ للكاتب النعاس.

ومع ذلك كملت الرواية عشان ألاقي إجابة واضحة لسؤالي إيه هي الأسباب اللي دعت لجنة التحكيم لاختيارها كأفضل رواية عربية!!

ولكن ما لقتش أي إجابة من اللي كنت بدور عليها وأنهيت قراءتها بدون أي استفادة فعلية.

ملحوظة كمان: الكاتب ما نسيش إنه يتكلم عن الحجاب وازاي البنات بيكرهوه ولابسينه إجباري وكمان هيكونوا مبسوطين جدًا لما يقلعوه..
“كنت اسمع أخواتي يتأففن من الحجاب وصعوبة التنفس في وجوده….”

ملحوظة تانية: الرواية على جودريدز تقييمها (3،4) يعني الحمد لله ده مش رأيي لوحدي.

**أخيرًا: الحاجة الوحيدة اللي عرفتها من تجربتي التعيسة إنك عشان تبقى كاتب معروف وتفوز بجائزة دولية في مجال الكتابة لازم تكتب في موضوع يخالف المعتقد الديني وتتكلم عن الجن*س براحتك وما تنساش تقول إن الحجاب تخلف ورجعية وبيقيد من حرية المرأة.
حسبنا الله ونعم الوكيل
خبز على طاولة الخال ميلاد”
مراجعات محمود زيدان
جدير بالذكر أن
علاء الأسواني، ولد في 26 مايو 1957 بالقاهرة، وهو أديب وطبيب أسنان وناشط سياسي مصري، حاز على العديد من الجوائز العالمية في الأدب وترجمت رواياته لأكثر من 37 لغة مختلفة ونشرت في أكثر من مائة دولة، كتب العديد من الروايات أشهرها “عمارة يعقوبيان”، كما عرف عنه كونه معارضًا للنظام المصري ويكتب مقالاً إسبوعيًا بجريدة دويتشه فيله الألمانية يتناول فيه القضايا السياسية والإجتماعية
من أشهر الروايات التي ألفها:

1990: أوراق عصام عبد العاطي
2002: عمارة يعقوبيان
2007: شيكاجو
2013: نادي السيارات
2018: جمهورية كأن
ومن القصص القصيرة

1990: الذي أقترب ورأى
1998: جمعية منتظري الزعيم
2004: نيران صديقة
ومجموعات من المقالات في العديد من المجالات.
في النهاية ماذا يريد الأسواني؟
وهل الاسواني ظالم أم مظلوم؟

وماالأسباب اللي دعت لجنة التحكيم لاختيارها كأفضل رواية عربية!


شارك الخبر معانا

عن Maha Abu Nada

موبايل بين       -          ترافيل بين        -        فيزتك        -      تموين مصر          -             كورة بين

x

‎قد يُعجبك أيضاً

مصرع سيدة ألقت بنفسها تحت عجلات القطار بمركز طهطا بسوهاج

شارك الخبر معانا   كتب:محمد خلف السمان تلقى اللواء محمد عبدالمنعم شرباش مساعد وزير الداخلية ...