[X]إغلاق

“قلب يعلن عصيانه”

شارك الخبر معانا

كتبت/نورهان مغربي

“قلب يعلن عصيانه”

وف مره سرحت ف اللي لفات
انا قولت أشوف سبب الأهات
مجنونه عاقله طايشه أوخايبه بزياده كالعاده
أنا قولت أفتش فالماضي
وأعرف أزاي كان قلبي راضي
ولسه متعلق في حبل دايب
وأسأله يقولي عادي
هو دا عهد الحبايب

دورت ف نفسي على حاجه
تمحيله ذنوب كل جرايمه
ازاي أنسا كل عمايله
وازاي قلبي بكل دا راضي
عايش وساكت والعمر راح عالفاضي

فتشت ف نفسي على نفسي
ورجعت اقلب ف الماضي
وافتكر ازاى عدت مني
أجمل سنيني ع الفاضي
واقعد مع قلبي نتعاتب

مبسوط من نفسك وموافق
لو قولت يا قلبي إنك راضي
كذاب يا قوليبي ومنافق
حاسس من جوه إنك فاضي
تبكي وتتألم من جرحك
تندم وتنوح عالماضي
انا ياما قولت استنا أتأنا
طب راجع نفسك الأول
فكر ف عمايله ورتبها
وبلاش تتسرع واحسبها

مسمعتش مني وكملت
ومن جرحك توهت وندمت
مبسوط دلوقتي وراضي
أيام وسنين عالفاضي

لملم جروحك واحسبها
حاول تتعلم م الماضي
الماضى مش صفحه هنقلبها
ولا حكايه كتبناها
وبئدينا هنمحي ذكراها
شوف ايه اللي انت إتعلمته
م الدنيا وتعبها وشقاها
راجع حساباتك واحفظها
ماتقولشي إنك متعلمتش
ماتقولشي نسيت أو مفهمتش
مدرسة الدنيا أما بتشرح
مش ذنبها إنك مذكرتش صح ومحفظتش
يا ريت يا قوليبي تتعلم
ميكونش كلامي عالفاضي.

_قلبي، خلاص أنا هعلن عصياني.


شارك الخبر معانا

عن نورهان مغربي

موبايل بين       -          ترافيل بين        -        فيزتك        -      تموين مصر          -             كورة بين

x

‎قد يُعجبك أيضاً

وزيرة الثقافة تنعى مدير التصوير رمسيس مرزوق

شارك الخبر معانا عبدالصبور بشير نعت الدكتورة ايناس عبد الدايم وزيرة الثقافة الدكتور رمسيس مرزوق ...