[X]إغلاق

الكلمه

شارك الخبر معانا

 

بقلم / ميار شديد

 

انا بنت الكلمه بالكلام الحلو ترجع لي ابتسامتي
كل كلمه بتتقالي بتفرق معايا وبتديني امل ل بكرا وبتحسسني بنفسي وتنورلي طريقي ؛ انما اي كلمه سلبيه ، بحس انها بتطفي فيا حاجه وتنقص مني حته ، يكفي أن النبي “صلي الله عليه وسلم” قال ( الكلمه الطيبه صدقه )

 

في ناس غيرت في شكلها من أجل كلمة وناس خست 120 كيلو بسبب كلمة وناس يكاد يكون سر طموحهم وأنهم يبحثون عن احلامهم والجري ورائها لأجل كلمة ، معظم الصدمات عبارة عن كلمة سمعتها من شخص لم تكن تتوقع ابدا أنه يقولها .

والأهم من الكلمه توقيتها .. ! نعم توقيتها .. ماذا يفيد اعتذارك بعد فوات الأوان ، هيبقي زيك زي اللي عاش طول عمره ف خلافات مع واحد وبعد ما مات قال دا انا بحبه والله ، الكلام اللي بيتقال بعد فوات أوانه ده بيوجع اكتر عشان بتبقي خلاص صلاحيته انتهت .. مابتخدش منه غير أنه بيفتح في صفحات قديمة انت ما صدقت تقفلها !

 

ممكن كلمة واحدة بتتقال تغير مسار حياة حد ، أو تسيب جواه اثر ميروحش مهما عدت عليه الايام ….! ، كلنا عندنا الناس اللي بتجرح فينا بكلامهم ، وبتقل من كل اللي بنعمله ، ومهما عملنا برضو مش هنعجب ، ومش هيشوفوا فينا غير الوحش عشان دول ناس عايشين يحاربونا نفسيا وخلاص دول اخطر من المنافقين والكدابين ..

محبطين  ، وممكن يقفلوا اليوم والحياه كلها ، لو صادفة الايام وقابلت حد منهم …..اطرده فورا من حياتك ونهائيا … اوعي تسيبه في تفكيرك أو في ايامك دقيقة واحده .. ولو مضطر تتعامل معاه فاعتبره بيخرف .. اتعامل معاه على أنه مش موجود .. هو بس بيتغذي ع انعدام ثقتك ف نفسك وتصديقك لكلامه ..
انما طول ما انت مش مصدقه وبتاخد كلامه للزبالة مباشرة ، فهو عمرو م هينتصر عليك ابدا .

 

الكلام الحلو اكتر حاجه بتعمل معني ، لأنه عباره عن لغه خاصه جدا بين طرفي العلاقه وخصوصا الست .. ببفرق معاها موضوع الكلام الحلو ده ؛ لأن هي عندها عين تالته بتشوف التفاصيل الصغيره ، وبتركز في الكلام اللي مسمعتهوش اكتر من اللي سمعته ، علاقات كتير انتهت بسبب كلام كان مفروض يتقال بس متقالش .
مفيش ف الدنيا حاجه ممكن ترسم الابتسامه علي وش حد قد الكلمه  ، فياريت نخلي بالنا من كلامنا .


شارك الخبر معانا

عن محمود رمضان توفيق

موبايل بين       -          ترافيل بين        -        فيزتك        -      تموين مصر          -             كورة بين

x

‎قد يُعجبك أيضاً

نساء خلدهن التاريخ “الحلقة السادسة” صبيحة ملكة قرطبة

شارك الخبر معانا   سيدة النفوذ والسلطان والإدارة السياسية المحنَّكة بقلم: أيمن دراوشة تنقلنا صبيحة ...