[X]إغلاق

نتشر سيناوريوهات أكاذيب الإعلام الغربي ضد مصر حول الأزمة الليبية

شارك الخبر معانا

وحد الله كده وأشرب كوباية قهوة وركز وانت بتسمع البوست طويل
******************************************
أصحي كده وصحصح معانا الايام الجاية –

25 حاجة تأخد بالك منها جدا الكام يوم أو كام أسبوع الجايين …

طبقا لتطورات الموقف الايام القادمة وإحتمالات التدخل المصري في ليبيا لتحريرها من عصابات الاخوان والمرتزقة السوريين والاحتلال التركي …

مبدئيا كده – لو فكرت تتفرج او تتابع الجزيرة ورصد والشرق ومكملين و BBC و DW الالمانية ،
فأنت كده هتتعب اعصابك علي مفيش ومن دلوقت أقدر اقولك الاخبار هتكون اية وهتتقال إزاي كمان
لانها مش افتكاسة مني ولا حاجة ، ده الطبيعي بتاعهم من 2013 واتعودنا علية ولازم لازم لازم تاخد بالك

أسمع يا سيدي –

1- الجيش المصري يتدخل في ليبيا لدعم المليشيات الانقلابية ويحارب الجيش الليبي ( اللي هو مليشيات الوفاق والمرتزقة السوريين ) بدون أي مبرر قانوني أو شرعي

2- الجيش المصري ينتهك المواثيق الدولية وحكومة السراج تتقدم ببلاغ لمجلس الامن القومي ضد الغزو المصري للتراب الليبي الحر …

3- تركيا وقطر والكويت والجزائر وحماس وتونس تدين التدخل المصري في الشأن الليبي

4- الجيش المصري يقوم بمذبحة بشعة ويقصف مدرسة XXX الابتدائية في مدينة XXX ( مع ان مفيش دراسة دلوقت بس ما علينا ) ويليها فيديو من سوريا او فيديو مجهز من دلوقت في ليبيا …

5- قوات السراج تنجح في وقف تقدم الجيش المصري علي كل المحاور ( خبر متكرر )

6- مظاهرات في كافة المدن الليبية تنديد بالتدخل المصري ( فاكرين مظاهرات 4 – 5 في الحارة المزنوقة ؟؟؟ – هيبقي نفس الفيديوهات مع إختلاف في تركيب الصوت بلهجة ليبيا )

7- منظمة هيومن رايتس ووتش ووكالات حقوقية غربية ( بدون أسم ) تدين التدخل المصري في الشأن الليبي

8- الجيش المصري لا يقوي علي مواجهة أثيوبيا ويصدر مشاكلة الي ليبيا هروبا من فشلة في الملف الاثيوبي ( الهبد ده بدأ من يومين )

9 – فيديوهات من سوريا وافغانسان بالكوم وصور قتلي وجرحي بأي زي عسكري وخلاص وتداول اشاعات انهم جنود وضباط وأسري مصريين

10- قطر تدعو لاجتماع عاجل لجامعة الدول العربية لادانة التدخل المصري

11- ادانه دولية وشعبية واسعه النطاق للتدخل المصري في ليبيا ( مع فيديوهات من قطر والجزائر وجزر القمر والصومال وموريشيوش وامارة لينخشتاين وأي حته في أي حاجة )

12 – قطر وتركيا تطلب الناتو بالتدخل ضد الهجوم المصري

13 – من يدفع فاتورة التدخل المصري في ليبيا

14 – لماذا يترك الجيش المصري فلسطين محتلة ويهرع لتحرير ليبيا
( ده هيكون في شكل بوستات وتعليقات علي الفيس وتويتر وفي كل حته وهتشوفوه هنا في البوست ده )

15 – حلقات نقاش وتوك شو – الجيش المصري متورط في ليبيا وسيكون مستنقع زي اليمن بدعم سعودي واماراتي ولا تنسي الدور السعودي في مقتل خاشقجي

16 – مشاهد قتلي – ممكن أطفال – ممكن نساء – جراء القصف المصري العشوائي لمصراته وطرابلس ( وطبعا تركز القتلي لابسين صيفي ولا شتوي والفيديو من سوريا ولا اليمن ولا العراق وتاريخ الفيديو – لتقارب الجغرافيا والملامح للشعوب فركز كويس )

17 – كل نص ساعة – غرق غواصة – غرق فرقاطة – تدمير طائرة – تدمير رتل مدرع وكلام بدون أي مصدر هدفة يدمرك معنويا فبلاش تتسرع وتجري ورا الاخبار المضروبة وركز علي الاخبار الموثوقة فقط – انت مش ناقص حرقة دم

18 – أنباء عن أستسلام العشرات من الجيش المصري للقوات الليبية اعتراضا علي قتل الاتراك والمرتزقة السورية ( وطبعا فيديوهات مضروبة ومجهزة لناس بتتكلم لهجة مصري ومش بعيد للعمال اللي لسه راجعين )

19 – الجيش المصري يقتل المسلمين من جنود الخلافة الاتراك والسوريين وقوات حكومة السراج ( اللي محدش معترف بيها دلوقت الا قطر وتركيا بس ) ويترك اليهود والامريكان والروس ….. علي أساس ان القوات التركية تقتل اليهود والامريكان في ليبيا –

20- احتمال يكون فية اخبار عن مظاهرات في مصر ضد التدخل المصري وده هيكون من أرشيف فيديوهاتم بتاعت الحواري اللي فيها 20 – 30 واحد مدفوع له

21 – لا تنسي أهم شئ – فاكرين بوستات – خطيبي في السلوم ؟؟ هتلاقوا من ده كتير جدا – خطيبي استشهد في ليبيا – ابويا بعت يقولي ان الجيش التركي قوي جدا – جوزي بعت لي يقولي احنا مكنش مفروض نخش الحرب دي
ابني أستشهد في ليبيا ومش عارفة اجيب جثته الخ الخ الخ معندهمومش أبتكار

22- احتمال كبير جدا يكون فية بوستات بأخبار وهمية بهجمات في سيناء وخسائر في قواتنا – لا تنشر ولا تقرأ شئ الا من صقحة المتحدث العسكري بس

23 – هتلاقي بوستات عجيبة مريبة كده – صورة عسكري متعور أو بيتعالج وواحد كاتب دي صورة اخويا في ليبيا هما بيخبوا الخسائر لية ( ركز مع الصورة وأسال هتطلع صورة قديمة من سينا او صورة لاحد شهدائنا اللي مات وهما نقلوا صورته

24 – اشاعات – مستشفيات القوات المسلحة في القاهرة والاسكندرية ومطروح تمتلئ بحثث القتلي المصريين – وصور من اي داهية لاي حاجة والمهم الاشاعة تنتشر وحضرتك مش هتركز وهتنشر بدون ما تركز …

25- الحكومة الليبيبة ( اللي هي السراج والوفاق وتركيا والاخوان طبقا لقنواتهم) تكشف عن مقابر جماعية لمدنيين قتلهم الجيش المصري وقام بدفنهم لتغطية جرائمة ضد الانسانية وضد الشعب الليبي الحر …………… ( ده كلامهم هما 🙂 )

المهم أنت تكون جاهز لكل الاخبار المعلبة دي لان دي حصيلة بحث وشغل اعلام وحرب نفسية من سنين ، والاخبار جاهزة ومتصورة وفاضل توقيت البث علشان يضربوك أنت في دماغك وعقلك ……………

مهما سمعت أو شفت – ثق تماما في جيشك وفي عقيدة وأخلاق جيشك –
إذا كنا معملناش مع اليهود اي جرائم حرب او جرائم ضد الانسانية غير اننا لبسناهم كاستور هنعمل كده مع الاتراك والسوريين المحتلين لليبيا ؟

عدم وقوفك في ظهر جيشك 100 % وبكل الدعم له يعتبر خيانه لبلدك ولنفسك …

اللهم بلغت اللهم فأشهد – اللهم أسألك النصر والسداد والتوفيق لجيش مصر القادر
يعيد كرة موقعة نصبين
( اللي هي بعد 3 أيام ذكراها ال 181 – 24 يونيو الجاري )


شارك الخبر معانا

موبايل بين       -          ترافيل بين        -        فيزتك        -      تموين مصر          -             كورة بين

x

‎قد يُعجبك أيضاً

اصابة معاون مباحث مركز شرطة قوص بطلق نارى اثناء تأدية عمله

شارك الخبر معانا اصابة معاون مباحث مركز شرطة قوص بطلق نارى اثناء تأدية عمله  . ...