عزيزي الرجل…فكها شويه

بقلم الإعلامى / احمد البدوى

استشاري العلاقات الأسرية وتطوير الذات

إيه رأيك تقرر النهارده تفرح وتفرح اللي حواليك ..

بتقولي إزاي ؟! أقولك إزاي

اقف على باب البيت وخد نفسك وانسى أي حاجه مؤقتا … وبعدين ادخل بضحكة حلوة زيك كده

خلي دايما وصولك البيت سبب لفرحة مراتك وولادك سبب لفرحة كل حاجه حتى حيطان البيت

لو ما شوفتش فرحتهم في عينيهم أول ما تدخل يبقى محتاج تراجع نفسك يا صاحبي

دور على أحلى الكلام وقوله لمراتك .. قولها أنا لســه لحد دلوقتي لما بشوفك كل يوم الصـبح بفرح نفس الفرحة اللي فرحتها أول مره شوفتك .. عاكسها يا جدع

ما تخليش قعدتك في البيت كلها اعمل ده وما تعملش ده وعملت كده ليه .. ما تستناش لما ييجي يوم تتمنى القعدة دي معاهم واعتبر النهارده اليوم الفري بتاع التحكم في كل حاجه سيبهم يقرروا هتعملوا إيه واستمتع بده معاهم ، هزر والعب مع ولادك التربية مش جد بس .. فكها شويه