مصر أون لاين جريدة اخبارية – ثقافية – فنية – اقتصادية – سياسية – شاملة
لقي شاب من قرية العسيرات التابعة لمركز فرشوط شمالي قنا مصرعه أمس إثر لدغة ثعبان ، وتبدأ الحكاية كما روي شهود عيان ، أن الشاب المتوفي ذهب الي زراعات يعمل بها ويقول محسن العسيري احد ابناء البلدة :
أنه ذهب الي زرعه اللي هو في وقت العصر وهو شغال في الزرع داس على (تعبان) وهو مش شايفه فلدغه لدغة صعبة ، فطبعا الزرع يبعد عن بيته حوالي كيلو متر ، المسافه دي جرى الي البيت علشان يلحق يروح المستشفي وينقذ نفسه ، طبعا راح المستشفي يفاجأ بالسيد الدكتور النبطشي يقوله انت مفيكش حاجه , بعد ذلك طبعا مفيش المصل اللي هو يدهوله واتعامل معاه أنه عادي ومفيهوش شئ وهو فعلا كانت صحته جيده ولكن كان رابط ربطه رجله تمنع سريان السم لباقي الجسم ، فطبعا ادوله مصل عقرب ولما بدأ يتعب وتظهر عليه علامات التعب ف المستشفي قالوله مش هنقدر نعمل حاجه وحولوه علي مستشفي نجع حمادي وفي نجع حمادي نفس الموضوع وحولوه علي قنا ، وبمجرد وصوله قنا اتوفي.
دي حكاية شاب مصري كان نفسه يعيش ويربي بنته ، وهو متزوج بقاله سنتين او ٣ ووحيد عائل امه واخواته البنات
ونحن أهالي العسيرات بقنا نستغيث بالسيد رئيس الجمهورية و بالمسئولين وعلي رأسهم رئيس الحكومة و الوزيرة مما يحدث لأبناءنا المرضي في فرشوط خاصة ومحافظة قنا عامة وننتظر حق الشاب المتوفي .
