مصر أون لاين جريدة اخبارية – ثقافية – فنية – اقتصادية – سياسية – شاملة
حوار أجرا / محمود رمضان توفيق
انفراد خاص: مصر اون لاين
فنان مصرى ، لديها موهبة قوية ، إحساسه إحساس فنان ، و موهبته بجد جنان، بيمثل كل اللهجات و الألوان ، إنه الفنان المصرى الموهوب محمد فتحى .
إليكم نص الحوار الصحفي مع الفنان الموهوب محمد فتحى الشهير ” بعفروتو “
النشأة والطفولة ؟
محمد فتحى شهرتى ” عفروتو ”
مواليد اسكندريه 1988 .
كيف بدأت الموهبة عندك يا محمد ؟
الموهبة بدأت فى مسرح المعهد العالى للخدمه الاجتماعيه سنه 2009 .
من قام باكتشاف الموهبة عندك يا محمد ؟
اللى اكتشف موهوبتى زمايلى اللى كانو بيخرجو بفريق مسرح المعهد محمد عبد العزيز و الاب الروحى احمد عسكر اللى علمنى حاجات كتير و اللى زقنى ف الميديا و كان بيدعمنى جدا احمد تمام اكبر و اول ” كاستينج دايريكتور ” فى مصر و زوجتى اللى استحملتنى كتير اوى اللى بقدملها كل تقدير و احترام .
ماهوه أول عمل شاركت فيه ؟
اول عمل فنى كان ” بنات سوبر مان ” إخراج استاذ حسام على اللى شرحنى فيه الكاستينج دايريكتور احمد تمام .
إيه نوعية الأعمال اللى بيقدمها الفنان محمد فتحى ؟
انا مدى اهتمام كله الميديا و المسلسلات بحب المسرح كتير عشان انا اول حاجه مثلت فيها كانت مسرح عرض ابن الجيل إخراج استاذى احمد عسكر و انا ابن من أبناء الثقافه الجماهيريه .
هل لديك اصدقاء من الوسط الفنى ؟
نعم ليه اصدقاء فى الوسط الفنى
من هم أصدقاء الفنان محمد فتحى من الوسط الفني ؟
اصدقائى فى الوسط ” الفنان حسنى شتا ”
” الفنان أحمد مصطفى ” ” الفنان محمد قلبظ ” “الفنان أحمد كشك ” ” الفنان ابراهيم السمان “
مين من الجيل القديم من الفنانين بتحبه ؟
بحب من الجيل القديم النجم العظيم
” الزعيم عادل امام ” الاستاذ احمد ذكى ”
” الفنان محمود عبد العزيز ” الفنان نور الشريف “
مين من الفنانين الحاليين الموجودين على الساحة الفنية بيعجبك ؟
حاليا بحب موهبة النجم ” محمد رمضان ”
” محمد ممدوح ” ذكاء ” محمد فراج ” طارق لطفى “
ما هيا الأعمال الفنية التى شاركت فيها ؟
شاركت ف اكتر من عمل فنى مثل دور الهتهوتى فى ” مسلسل أيوب ” إخراج الاستاذ احمد صالح صاحب الفضل الكبير عليا ” مسلسل فوق السحاب ” كنت عامل ” زنجر ” تاجر أعضاء مع المحترم جدا رؤوف عبد العزيز ” مسلسل رسايل ” الأستاذ ابراهيم فخر اللى عمل معايا واجب عمرى هنسهوله السنه ديه انه أدانى دور عرفت أبين فيه امكنياتى كممثل فى ” مسلسل زلزال ” السنادى عملت مؤمن الإرهابى فى ” مسلسل عوالم ” خفيه إخراج رامى أمام اللى أدانى فرصه انى وقفت قدام الزعيم عادل امام
و عملت دور اشرف الممرض فى ” مسلسل الشريط الأحمر ” و عملت دور كيمو فى ” مسلسل الرحله ” إخراج استاذ حسام على و كنت بطل من أبطال برنامج المخبر بطولة المهدور حقه من وجهة نظرى احمد الجارحى .
إيه أخر الأعمال الفنية الفنان محمد فتحى ؟
و السنه ديه كنت مشارك فى” مسلسل قابيل ”
بدور مصطفى صاحب السايبر إخراج المخرج الشاب كريم الشناوى اللى بتوقعله انه حيبقى النسخه التانيه من المخرج الرائع محمد يس فى ” مسلسل زلزال ” عملت دور عوض اللى بالنسبالى كان وش السعد عليا انى اشتغل فى مسلسل بطوله النجم محمد رمضان اللى بيشوف مسلسلات من المحيط للخليج و ديه فرصه لأى ممثل انه يذاكر و يجتهد فى مسلسل متشاف كويس و العين عليه إخراج الرائع ابراهيم فخر اللى بيهتم بكل الممثلين مش النجم بس و ديه نوعيه من المخرجين قليله اوى
إيه هي أمنياتك الفنية و الشخصية يا محمد ؟
امنياتى انى ابقى التانى مش الأول ابقى سنيد البطل مش البطل بحسه اهم من البطل و الفعل بيبقى عنده رد الفعل بيبقى عند البطل نفسه
فى ده جدا
في نهاية الحوار تحبي تختم كلامك بإيه يا محمد ؟
فى النهايه بحب اشكر كل من وقف جمبى و سندى من اول صحابى فى المعهد العالى للخدمه الاجتماعية محمد عبد العزيز و ابويا الروحى احمد عسكر و اللى مش سايبنى لحد دلوقتى الكاستينج دايريكتور احمد تمام و مراتى ام عمر و عمر ابنى و الحاج فتحى ابويا اللى بهدلته معايا كتير شكرا ليهم كلهم و بشكر الصحفى محمود رمضان والإعلامية سارة مصطفى على دعمهم جدا ليه وبشكر الجريدة المحترمه مصر اون لاين ورئيس مجلس ادارتها الاستاذ عبدالرحيم السمان وجميع اسرة مصر اون لاين
في نهاية الحوار الفني المتميز، بحب أشكر النجم الموهوب محمد فتحى ، الذى شرفنى بالحديث معه، و أتمنى أن يجمعني معك حوارات فنية قادمة، مع تمنياتي له بمزيد من النجاح و التوفيق في كل أعماله الفنية، وكذلك في حياته الشخصية.
وانتظرو قريباً ان شاء الله النجم محمد فتحى بعد رمضان فيه مسلسل بحر بطولة ماجد المصرى و عامل فيه شخصية زينهم غجرى صعيدى من الأدوار اللى محمد مستنى يشوف فيها نتيجه تعبه فيها مسلسل بحر اخراج الراجل الفنان المحترم احمد صالح .
كان لي حوار فني مع النجم الموهوب محمد فتحى اتسم بالود و الحب و التلقائية في التعبير والكلام .
