تعرف على مخاطر لعبة الحوت الأزرق القاتلة وكيفية حماية الشباب العربى من مخاطرها

Spread the love

تعرف على مخاطر لعبة الحوت الأزرق القاتلة وكيفية حماية الشباب العربى من مخاطرها ..

بقلم ـ  محمد حسين .

 

 

 

لعبة الحوت الازرق علشان الناس الكتير اللي بتسأل عنها ومش فاهمة حاجة عن تكرار الحديث عن اللعبة الحوت الأزرق وفي الحقيقة هو من أكتر الكائنات المسالمة في الكون.. لكن اللعبة حولته لقاتل محترف ..

الحوت الأزرق هي لعبة بتنتهي بانتحار أي شخص يلعبها..

 

وانتشرت في مصر بعد أخبار انتحار الشاب خالد الفخراني، ابن البرلماني المصري السابق حمدي الفخراني، اللي لقوه شانق نفسه في زاوية الدولاب..
وهو مش الحالة الأولى اللي أنهت حياتها بسبب اللعبة، ففي حالات انتحار تم الإبلاغ عنها في فرنسا وإيطاليا والسعودية وبنجلاديش ومناطق مختلفة حول العالم..
والقصة دايما واحدة، بتبدأ بتأكيد رغبتك على دخول اللعبة وبتنتهي مع التحدي الـ50 اللي بيطلب منك الانتحار..

 

لكن ايه سر الحوت الأزرق؟ هل اللعبة مرتبطة بأعمال سحر أسود فعلًا زي ما اتقال؟

 

الحقيقة إنها مش مرتبطة بسحر أسود، لكنها لعبة نفسية، مرتبطة بقوة اللاعب وطاقته..

 

اللاعب بيكون واصل لمرحلة ما من الاكتئاب -أو الفضول- ونحط خط تحت الفضول دي علشان عارف ناس كتير جدا لو جربوها مش هشوفهم بعد كده ..

 

وبتبدأ اللعبة بطلبات بسيطة زي سماع مزيكا حزينة بليل أو مشاهدة فيلم رعب وبتطور لإيذاء النفس وبتنتهي بالانتحار ..ِ

 

المثير إن اللعبة بتطلب طلب واحد في اليوم، يعني اللاعب ممكن يكون سبب أذى لنفسه أو جرح جسمه وبعدها خرج مع أصحابه أو قابل أهله، ومحدش حاسس! تخيلوا …

قوة اللعبة بتستمد من ضعف اللاعبين.. الحوت الأزرق بيتسلل للمكتئب وبيملى فراغ روحه بأنشطة مؤذية، بتدمر الباقي من طاقته الإيجابية وبتحوله لكتلة سودا مش قادرة على الرفض وقابلة للانصياع لأي طلب حتى لو كان الانتحار ..

 

لكن، مهما بلغت وحدتك واكتئابك هتلاقي نور في الناس من حواليك، اطلب دعم ومساعدة واحتمي بالناس وبالطاقة الإيجابية..

 

اخرج من عزلتك لنور الدنيا، ساعد نفسك وغيرك، املى فراغ روحك بالنور والطاقة الإيجابية..

 

شوف فيلم بتحبه أو اسمع مزيكا مريحة أو مارس تقنيات البرانيك هيلينج وخلي التأمل يساعدك..

 

ودايمًا حوط نفسك بناس بتساعدك، بتحس بتعبك وبتعوض كل حبة طاقة بيروحوا منك بطاقة انضف وانقى..

 

اتغلب على الحوت الأزرق بالحوت الأبيض، وخلي التحدي 50 يوم طاقة إيجابية، صمم إن طاقة الحياة تساعدك، هتلاقي طريق النور..

 

يومكم جميل وحياتكم اجمل بطاعة الله ومخافته والعمل النافع لمجتمعاتنا العربية .

شاهد أيضاً

محافظ الغربية يستقبل الرئيس التنفذى لجهاز شئون البيئة

Spread the loveكتبت شيماء نعمان      اكد اللواءاحمد ضيف صقر محافظ الغربية ضرورة عمل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *