الربع جنيه هو السبب…

Spread the love

كتب: سعيد وحيد 

بعد زيادة اسعار المواد البترولية والتي نتج عنها زيادة في اسعار المواصلات الغير شرعية والتي لم تقرها الدولة حتي الآن فقد ترتبت عليه العديد من المشكلات بين بعض السائقين والركاب والسبب ان بعض سائقي السرفيس والقري يطلبون من الركاب دفع جنيهان ؛ ويقول احد الركاب للسائق ” ياسطي التسعيرة لسه منزلتش فيرد السائق واحنا نجيب منين دا صفيحة الغاز ١١٠ جنية ” .

وفي محاورة مع احد السائقين

 ما رأيك في زيادة المواد البترولية ؟

السائق: لما كانت الاجرة جنية وربع كان الركاب يدفعوا الجنيه ونصف ومكانوش بيدوروا علي الربع جنية الباقي فكانت بتتستر.

وفي محاورة مع سائق اخر 

اعترض علي عدم وضع لافته بالتسعيره الجديدة قائلا:”انا شغال علي العربية ومطالب مني احاسب صاحب العربية اخر اليوم فلما اروح افول العربيه بالسعر الجديد واحاسب الركاب بالسعر القديم ولما بطلب زيادة من الركاب بيقولوا الاسعار لم تتغير فماذا افعل هحاسب صاحب العربيه من فين وأاكل عيالي من فين .. وكل الاخبار بتقول التعامل بشدة مع اي سائق مخالف؛ احنا خالفنا في ايه؟ والله احنا غلابة .

وهما القونا في البحر وبيطالبونا نعيش طيب ازاى؟.

وعند سؤال احد المواطنين ما رأيك في هذه الزيادة؟

رد قائلا : انا معايا ٤ ابناء بيدرسوا في مختلف الاعمار منهم في كليه وأعدادي وثانوي والمرتبات لا تغطي الاحتياج فبستلف واقول ربنا يسترها وبعد الزيادة دي مش عارف هعمل اي؛ لما اسطوانة البوتاجاز ب ٥٠ جنيه والمواصلات هتزيد ومصاريف كتب واكل وشرب  …..الخ هجيب ده كلو منين والمرتب بياكلنا عيش حاف .

ووجه الاستاذ  أ. م  أستغاثة للسيد الرئيس عبد الفتاح السيسي قائلا: انقذنا يا ريس احنا غلابه هنجيب من فين احنا بنبات من غير عشا يا ريس متجيش علينا انا هنموت من الْجُوع

السؤال الذي يطرح نفسه ما مصير محدود الدخل ، ومعدوم الدخل من كل هذه الزيادات؟؟؟




شاهد أيضاً

أكتوبر .. ملحمة لن تنتهي ..

Spread the loveأكتوبر .. ملحمة لن تنتهي .. كنت أستمع إلي برنامج الراديو صديقي والذي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *