الأحد , 21 يناير 2018
عاجل مصر اون لاين
” كلام من القلب ”  نفسي أبني يحب المدرسة

” كلام من القلب ” نفسي أبني يحب المدرسة

بقلم / نسرين نبيل

نفسي أبني يحب المدرسة … ويكون رايح مش زعلان
نفسي لما أقوله المدرسة … ما يقولش سيبوني حرام
ماما تعبت والله .. نفسي أنام
ولا الشنطة يا ماما .. كسرت ظهري ورجلي كمان
كله دروس في دروس … وأنا زهقان محبوس
حتي الفهم يا ناس … مش في الراس ده في الكراس
علشان أفهم …. لازم درس أو مجموعة
أصل الفهم جوه الفصول …. ممنوعة
وأول ما أخد المجموعة …. الاقي حواري كله تمام
الميس تبطل تشتكي مني …. أو تزهق كمان
أدخل الاقي ورقة مكتوبة … فيها كده يا دوب ربع الدرس
وتقولنا هما الكلمتين دول …. حفظ وبس
طب والباقي … ترد الميس اسكت .. بس
طب أنا عايز اسألكوا .. وكمان بالله أشهدكوا
هو التعليم كده ليه ؟ وفين الفهم يا بيه ؟
كله حفظ وبس … ولا معلومة مفيدة
ولا كلمة تتقال ….. أكيدة
نفسي أتعلم ….. وأبقي مثقف
وأبقي مثل …… يحتذي بيه
بس إزاي ؟ في بلد بتحفظ ورقة
تدخل تمتحن الإمتحان ….. تلاقيه
يا نهار أبيض ! ديه هي هي
والله ديه حاجه ….. مهلبية
لما المستر يكتب هو الحل ….. كمان
ويقول يلا ننجح كله …. ده الطالب غلبان
والله يا مستر ما أنا عارف …. أقولك إيه ؟
بس الغش … ده حاجه خطيرة وربنا ما بيرداش بيه
ماما قالتلي إن معلمتي … ديه حاجه كبيرة
ومن علمني حرفا …. صرت له عونا … كلمة خطيرة
بس اللي ينفذها …. واللي كمان يحرسها
نفسي أتعلم …. بس أتعلم كله بجد
نفسي لما أكبر …. أبني يا ناس مش أهد
نفسي أروح مدرستي … وأنا فرحان مبسوط
نفسي ألاقي الحنية في ميستي …. زي ما بلاقيها في البيت
نفسي لما أعيط … ما لاقيش حد يقول تستاهل
نفسي أتعلم من غير ….. ضرب
ده أنا إنسان وليا مشاعر …. طفل بيكبر يحزن من غير ذنب
نفسي أقولك حاجه ….. يا بابا وزير
بس كلامي ده هو …… خطير
نفسي أتعلم …. بس بجد
نفسي لما أكبر ….. أبني ما أهد
نفسي أحب مدرستي ….. والمدرسين
نفسي يبقي ليا رأي …. مش كل حاجه آمين
وبرده في نهاية كلامي …. ماما علمتني إن لازم
كل التحية والتقدير …. لكل الأساتذة والمعلمين .

ajax loader - " كلام من القلب "  نفسي أبني يحب المدرسة

Share on FacebookTweet about this on TwitterShare on Google+Email this to someonePrint this pageشارك مصر اون لاين

اضف رد

لن يتم نشر البريد الإلكتروني . الحقول المطلوبة مشار لها بـ *

*

*