[X]إغلاق

” كلام من القلب ” بحبك وأنا الغلبان

شارك الخبر معانا

بقلم / نسرين نبيل

بحبك وأنا الغلبان يا مصر يا بلادي

يا حته من ذاتي

وبادعي تملي يبعد عنك كل الأعادي

وينصرك علي أي حد يعاديكي

ولو هاموت فيكي من خوفي علي مستقبل مجهول

ما يشتروني أعاديكي

بحبك وأنا الغلبان بحبك بس عاتب عليكي

بصي عليا شوية يا أم الحنان

أنا أبنك الغلبان والله تعبان

أنا الغلبان بس الوحيد اللي بشتكي فيكي

وهاعمل إيه ظروفي علي قدي

بس والله بموت فيكي

ومهما توهت وغرقت في عنيكي

ما يرضيني يشمتوا فيكي

ويحاولوا يغموا ليكي عنيكي

يا محروسة يا بنت النيل

يا سمرا والأصل فيكي ما دخيل

ولما أزعل أمشي في شوارعها

ولما أتوه أبكي علي دراعها

بس الحقيقة يا محروسة الكلمة في زمانا مخروسة

وأنا أنفاسي محبوسة

وأتعجب من ناس بشوفها تتكلم

يقولوا يا سلام علي ده معلم

وناس تانية تقول الحق

يقولوا ده عميل متزق

يا ناس فوقوا وقولوا الحق

بقه الغلبان عميل متزق

ومهما قالوا وعادوا عليا

ما يضيع حبك من قلبي ده في عنيا

وأديني صابر علي غلبي

وربنا يساعدني في دربي.


شارك الخبر معانا

اضف رد

لن يتم نشر البريد الإلكتروني . الحقول المطلوبة مشار لها بـ *

*

موبايل بين     ترافيل بين      فيزتك     تموين مصر