[X]إغلاق

” كلام من القلب ” رسالة إلي السيد الرئيس

شارك الخبر معانا

بقلم / نسرين نبيل

سيدي الرئيس أنا المواطن الغلبان

ببلغك تعبت حرام

بقيت صدقني خلاص مش عارف أعيش

مابقتش باكل أنا وعيالي غير العيش

كنت بفكر صدقني ماشكيش

بس إزاي ؟ ما أنا مش عارف أعيش

كل شوية غلو في الأسعار 

نتورب كل حاجة تولع نار

ومرتبي زي ماهو ما يكفيش

قولت أبعت لسيادتك رسالة

وأقولك ضاقت بيا الحالة

وأتهموني كتير حواليه إني عميل

وإني بستغل ضيقة الحال والتفاصيل

علشان أقلب النظام وأعمل ثورة جديدة كمان

قولت يا عالم والله ما أقصد 

غير إني أقول كفاية حرام

عندي عيالي ثلاثة يا ريس

وبعلمهم وبأكلهم واما بيعيوا ما بلاقي أعالجهم

أعمل إيه ؟ قولي الحل ؟

أسرق يعني ؟ ولا أسيبهم وأمشي بعيد ؟

ولا أموت نفسي يا ريس ؟ يمكن في الآخرة أقابلهم

وأقدر يبقي عندي حلول لمشاكلهم

أنا مش بشكي وبس يا ريس

أنا عايزك تشوفلي الحل

واللي يقولوا إني عميل حسوا شوية يا مهابيل

إني جعان أنا وعيالي

وأما بنتعب ما بنلاقيش ثمن الدوا يا مهابيش

والفقر بياكل صحتنا وفي النهاية أنا إنسان

نفسي أشبع ما أبقي جعان

نفسي ولادي في يوم يا ريس أشوفهم في أعلي مكان

بس إزاي وأنا ما عاييش ؟

وبمرتبي مش عارف أعيش 

ومش لاقي مع سيادتك حل .


شارك الخبر معانا

اضف رد

لن يتم نشر البريد الإلكتروني . الحقول المطلوبة مشار لها بـ *

*

موبايل بين     ترافيل بين      فيزتك     تموين مصر